Монгол Улсын Үндсэн хуульд оруулах нэмэлт, өөрчлөлтийн төслийг иргэдээр хэлэлцүүлэх ажлыг  сумын Засаг даргын орлогч П.Отгонбаяр ахалж,  ИТХ-ын нарийн бичгийн дарга О.Мөнхцэцэг, ЗДТГ-ын Төрийн захиргаа, хууль эрх зүйн мэргэжилтэн Д.Мэнд-Амар, ИТХ-ын төлөөлөгч Д.Сүхбаатар нарын бүрэлдэхүүнтэй ажлын хэсэг  2017 оны 08 дугаар сарын 2-ноос 8-ны өдрүүдэд сумын хэмжээнд хэсэгчилсэн байдлаар зохион байгууллаа.

Сумын Рашаант тосгон, Шар-Ус 1-р багийн нутаг Ноён булагт 45 иргэн, Рашаант тосгоны төвд 30 иргэн, Хонгор-Овоо 3-р багийн нутаг Өлзийт нугад 25 иргэн, 91-р км-т 15 иргэн тус тус биечлэн оролцож нэмэлт өөрчлөлтийн төсөлд тусгах саналаа хэлж, олонх нь энэхүү төслийг дэмжиж, өнөөгийн дагаж мөрдөж буй 4 дэх Үндсэн хуульд нэмэлт өөрчлөлт оруулах шаардлага байна хэмээн үзэв.

                                                                                    ИТХ-ЫН АЖЛЫН АЛБА